Славниот холивудски ерген Џорџ Клуни за кратко ќе застане на лудиот камен. Иако многумина се сомневаа дека познатиот актер конечно ќе се ожени, венчавката е веќе закажана во романтичната Венеција. Американските медиуми успеаја да дознаат детали околу организацијата на венчавката на Џорџ Клуни и Амал Аламудин.
Венчавката ќе биде отмена, а поканети се околу 60 роднини и пријатели. Меѓунив се најдобриот пријател на Клуни, Мет Дејмон и неговата сопруга Лусијана како и Ранде Гербер со сопругата, манекенката Синди Крафорд. Се уште не се знае дали на случувањето ќе присуствуваат новопечените младенци Анџелина Џоли и Бред Пит.
Џорџ и Амал на 26 септември имаат свечена вечера со гостите во хотелот „Чипријани“ каде цената за една ноќ изнесува 1.150 евра. Следниот ден гостите и младенците ќе се упатат во луксузниот хотел „Аман“ каде во 11 часот ќе се случи церемонијата. Овој хотел се наоѓа во палатата Пападопули и има дури седум ѕвезди. Во него се наоѓаат соби со најубав поглед на градот.
На приемот ќе се служат италијанси и либански специјалитети, а на гостите ќе им пее славниот италијански оперски пејач Андреа Бочели кој пееше и на венчавката на Ким и Канје. Интересно е дека венчавката ќе ја плати семејството на Амал, а не еден од најбогатите актери.
Се шпекулира дека Амал ќе нови венчален фустан од модната куќа Александар Меквин исто како и војвотката од Кембриџ, Кејт Мидлтон.
Пијалоците се веќе прецизирани. Ќе се служат дури 50 сандаци текила „Касамигос“, бренд кој го основаше Ранде Гербер со Џорџ Клуни.
