Под силно полициско обезбедување, од Приштина во Скопје пристигна министерот за надворешни работи на Грција, Евангелос Венизелос.
Со ова се остварија претходните најави дека Венизелос нема да ги користи нити аеродромот „Александар Велики“ нити автопатот „Александар Македонски“.
Тој заедно со 20-тина негови соработници, ќе преноќи во хотелот „Александар Палас“, а утре, во својство на претседавач со ЕУ, ќе се сретне со државниот врв, но и со претставници на опозицијата.
За денес се најавени средби со неговиот колега Никола Попоски, министерот за евроинтеграции Фатмир Бесими, шефот на државата Ѓорѓи Иванов, лидерот на ДУИ Али Ахмети, претседателот на СДСМ, Зоран Заев, а за крај е закажаната средбата со премиерот Никола Груевски.
