Група од околу 200 Албанци од Мушутишта, општина Сува Река на Косово, се собрала утрово со полицијата кога го блокирале патот кој води кон ова село, а низ кој требало да минат протераните и раселени Срби.
Дошло до конфликт меѓу демонстрантите и припадниците на косовските специјални сили, кој уапсија повеќе демонстранти и употребила солзавец и палки.
Полицајците се опремени за разбивање на демонстрациите со шлемови и штитови.
Албанците, жителите на Мушутишта, го блокираа патот кој води кон црквата Богородица Одигитрије која е срушена и на чии темели утрово раселените Срби требаше да присуствуваат на литургија по повод празникот Голема Богородица.
На лице место се наоѓаат и припадници на специјалните единици на косовската полиција кои како што јавува репортерот на Тањјуг, од лице место, уапсиле неколку демонстранти во обид да го ослободат преминот за Србите.
Демонстрантите носеле албански знамиња и ја извикувале паролата „УЧК, УЧК“.
Околу 150 раселени Срби се наоѓаат во три автобуси и го чекаат расплетот на ситуацијата на оддалеченост од околу 5 километри од местото на конфликтот. Тие добиле гаранција од полицијата дека ќе бидат безбедно во спроведувањето до срушените цркви.
