Лидерот на опозицијата Христијан Мицкоски ги замрзна односите со кабинетот на претседателот на државата. Револтот на Мицкоски следи по средбата во Вила Водно, каде Пендаровски му го врачи мандатот на првиот човек на СДСМ Зоран Заев за состав на новата влада. За Мицкоски ваквиот потег на Пендаровски е против уставен, бидејќи Заев не успеал да го обезбеди потребното мнозинство од 61 пратеник.
-ВМРО-ДПМНЕ на денешната координација донесе заклучок дека од овој момент ги замрзнува односите и комуникацијата со г. Стево Пендаровски, и ќе ги преиспита практично политиките што ќе ги води во однос на кабинетот на Стево Пендаровски. За жал, како напати во минатото така и овој пат се приватизирани институциите, заробени за личен и партиски интерес, а на сметка на интересите на граѓаните. Денеска пратеникот Зоран Заев го доби мандартот откако го уверил претседателот Стево Пендаровски дека ќе работи на парламентарно мнозинство, изјави Мицкоски по средбата, на која беше придружуван од пратеничката Гордана Сиљановска.
Одговарајќи на новинарско прашање тој изјави дека ова е направено со цел купување време.
Повтори дека нови парламентарни избори се можни, но, вели, се уште не се исцрпени сите опции за фомирање влада.
Имаат забелешка, рече, зошто се брза да се додели мандатот на пратеник кој што уверил дека ќе работи на созадавање парламентарно мнозинство.
Деновиве, најави Мицкоски, ќе информираат за сите потези кои ќе ги преземат како коaлиција.
Првиот човек на државата вели дека доколку Заев не успее да формира влада, мандатот ќе му го дадел на Мицкоски, без потпис заверен на нотар од пратеници. Тој е дециден дека неговиот денешен потег е согласно уставот. Не било во негова надлежност од лидерите на партиите да бара гаранција за потребното мнозинство, бидејќи тоа било работа на Собранието.
Пендаровски ја коментираше можноста и за нови парламетарни избори посочувајчќи дека уставно до нив може да се стигне само со самораспуштање на собранието, порачкувајќи му на Мицкоски ако има 61 пратеник да покрене ваква иницијатива.
Инаку на денешната средба кај Пендаровски, Мицкоски додје со целата пратеничка група со цел да ги видат гаранциите дали Заев има мнозинство во Собрание. Oд СДСМ пак , на Мицкоски му порачаа да го прочита уставот.
„Очајни се обидите на губитникот Христијан Мицкоски да пронајде алиби за третиот негов последователен пораз на изборно соочување“- се вели во реакцијата на СДСМ.
