Накит кој бил наменет за филмските ѕвезди во Кан, кои ќе се појават на црвениот тепих, бил украден во четвртокот вечерта. Накитот се проценува на повеќе од еден милион долари.
Како што јавуваат медиумите, накитот бил украден од хотелска соба на еден од вработените во „Шопар“.
Според полицијата, накитот се наоѓал во сеф, кој крадците го откорнале и го однеле од хотелската соба.
Украдениот накит бил наменет за изнајамување на филмските ѕвезди и гостите кои учествуваат на Филмскиот фестивал во Кан.
Меѓународниот филмски фестивал во Кан се одржува од 15 до 26 мај, а во натпреварувачкиот дел за престижната „Златна палма“ ќе се прикажат 20 филмови.
