Времето утре во Македонија ќе биде променливо облачно со сончеви периоди. Во Полошката котлина и утре ќе има појава на магла и намалена видливост. Преку денот ќе дува слаб, а долж Повардарието и во крајните западни делови, умерен ветер претежно од југоисточен правец.
Утринската температура ќе се движи од нула до седум, а дневната од четири до 14 степени.
Во Скопје времето ќе биде променливо облачно, со слаба утринска магла. Утринската температура ќе се спушти до три, а дневната ќе достигне до 10 степени.
Од утре кон крајот на денот, па се до сабота, времето ќе биде претежно облачно со врнежи од дожд.
