За големиот христијански празник Богојавление – Водици, на паркинзите со кои стопанисува ЈП „Билјанини извори“ паркирањето на сите возилата ќе биде бесплатно. На овај начин јавното претпријатие се приклучува кој прославата на овај голем христијански празник.
СВР Охрид предходно соопшти дека со цел безбедно одвивање на манифестацијата на 19-ти јануари, Водици, за сообраќај ќе биде затворен булеварот „Македонски просветители“ од пресекот со улицата „Партизанска“ кон кеј „Македонија“ додека сообраќајот на булеварот „Македонски просветители“ целосно ќе се пренасочи кон улицата „Партизанска“. Од 7 часот ќе се врши физичко регулирање на овие сообраќајници но и на регионалниот пат Охрид-Св.Наум кај црквата „Св.Недела“ кај селото Коњско и на магистралниот пат Охрид-Кичево кај селото Оровник.
На улиците „ Коста Абраш“, „ Цар Самоил“ и кеј „Македонија“ е предвидено поставување на возилата со приоритет како и шатори од Црвениот крст со неопходната опрема.
По повод верскиот празник Богојавление-Водици, полициски службеници ќе вршат обезбедување на манифестациите и во охридските приградски населби но и во останатите градови на подрачјето на СВР Охрид каде се прославува верскиот празник.
