Груевски може да измислува анкети колку сака! Ништо не му помага, овој народ е желен за живот и слобода, изјави во петок пред граѓаните на Виница, претседателот на СДСМ Зоран Заев.
Заев ја побара поддршката од граѓаните за Планот за живот за младите да останат во Македонија. Тој рече дека по седум основи парите ќе се враќаат кон граѓаните, а трошоците ќе се намалуваaт. Како што рече, годишно од буџетот се крадат по 400 милиони евра, а 300 милиони евра се трошат непродуктивно.
„Македонија има потенцијал! Парите што ги крадеа ќе ги пуштиме кон вас. Ќе има и за просечна плата од 30.000 денари. Ќе се враќа 15% од ддв за плата плус во секое семејство!“, го заврши своето обраќање пред граѓаните на Виница претседателот на СДСМ, Зоран Заев.
