Во согласност со нашето предвидено сценарио, наскоро ќе бидат објавени и аудиоснимките поврзани со убиствата на Смилковско Езеро и случајот Монструм, одговори Зоран Заев, претседателот на СДСМ, на прашањето за тоа кога ќе се објават прислушуваните разговори поврзани со политичарите од албанскиот блок.
„Без разлика на очекувањата на поединци, сè ќе биде соопштено во склад со нашето сценарио. Како што гледате, вистината е болна за сето она што досега го видовме и го слушнавме. Ќе објавиме сè што имаме и за криминалите поврзани со поединци од ДПА и од ДУИ. Сè ќе биде споделено со јавноста“, рече Заев.
