Заменик на генералниот директор на Друштвото за осигурување „АЛБСИГ“ од Скопје е осомничен за „Употреба на исправа со невистинита содржина“ од чл.380 ст.1 в.в со чл.45 од Кривичниот Законик откако против него Основното јавно обвинителство од Скопје поднело казнен налог. Според документот кој до нас го достави читател веќе против него е поднесен предлог за издавање на казнен налог и случајот стигнал до судовите. 
Станува збор за лицето П.Д. кое во периодот од месец декември 2009 година до 03.03.2016 година, искористувајќи исти прилики така што како доказ во правниот сообраќај пред осигурителната компанија „АЛБСИГ“ употребил нострифицирана фалсификат диплома од софискиот Универзитет „Свети Климент Охридски“ од Софија, а наводно издадена од Факултетот за туризам и угостителство од Охрид, иако знаел дека истата е невистината со што ја довел во заблуда осигурителната компанија „АЛБСИГ“ за своето високо образование и на тој начин склучил договор за вработување со истата. Бил вработен како заменик директор иако не ги исполнувал условите за тоа.
Според истражните органи, осомниченото лице со години е на висока позиција без соодветно образование со што допрва треба да се утврди дали и на кој начин истото и нанело материјална штета на компанијата.
Судот треба сега да одлучува дали лицето ги довело во заблуда работодавците и дали им причинил штета со тоа.
