Светската здравствена организација (СЗО) соопшти дека пациенти кои се заразени од ебола купуваат на црниот пазар крв од лица кои ја преживеале таа болест.
Крвта на преживеаните, која се нарекува конвалесцентен серум, би требало да содржи антитела кои се борат против смртоносниот вирус. Иако се уште не е докажано, овој метод покажал некои ветувачки резултати.
– Истражувањата покажале дека со трансфузија на крвта од преживеаните може да се спречи или лекува еболата кај другите, но резултатите од овие студии се уште е тешко да се интерпретираат. Не се знае дали антителата од крвната плазма на преживеаните се доволни за лекување или спречување на болеста. Потребни се повеќе истражувања, соопшти СЗО.
Конвалесцентниот серум се користи за лекување на пациентите, меѓу кои и Американецот Рик Сакр, кој се наоѓа во болница во Небраска. Тој добил крв од својот сограѓанин Кент Брантли, кој ја преживеал еболата.
Нивната ситуација е поинаква од оние во Африка. Се стравува дека поради лошите услови би можело да дојде до ширење на други инфекции, како на пример ХИВ.
