Џиновски стршлени усмртија повеќе од 49 и ранија околу 1600 луѓе во Кина од кои најмалку 37 од нив се наоѓаат во критична и тешка состојба и се во болница.
Оние кои преживеаја имаат застрашувачки рани – кратери кои изгледаат како рани од куршуми.
Во последните три месеци инсектите најчесто вршеле инвазија на градовите Ангаканг, Ханџонг и Шнагуло.
Локалните стручњаци велат дека станува збор за џиновски стршлени кои можат да пораснат и до пет сантиметри со обем од шест сантиметри.
Карактеристично за нив е што колку повеќе трчате, толку повеќе ве бркаат.Некои од нападнатите велат дека стршлените ги бркале и по 200 метри.
Властите мобилизираа специјален тим на лекари кои обучија медицински лица со цел згрижување на жртвите од нападите на „летечките џинови“, додека во некои краеви пожарникарите работат на отстранување на нивните гнезда.
Стручњаците објаснуваат дека тие се најагресивни во сезона на парење во септември и октомври. А и топлото време во Кина придонело тие да бидат агресивни.
Овие стршлени се забележани и во Франција. Се претпоставува дека биле донесени со пратка на кинески порцелан во 2004 година.
И Англија стравува дека ќе има проблем со сршлените бидејќи според истражувачите колонии се пронајдени и во оваа земја. Тешко е да се забележат бидејќи овие животни своите гнезда успешно ги кријат на места на кои е невозможно да се забележат.
Поголемиот број смртни случаи во Кина бил поради алергина на силниот отров на стршлените.
