Женка шимпанзо по име Џина станала зависник од порно филмови кои ги гледа секојдневно, откако во нејзиниот кафез во Зоолошката градина во шпанскиот град Севиља бил поставен телевизор.
Шпанскиот приматолог Пабло Ерерос за списанието „Mundo“ изјавил дека управата на зоолошката градина во Севиља одлучила да внесе телевизор во кафезот на Џина за да може во текот на зимата, кога поголемиот дел од времето го поминува во затворен простор, да се забавува гледајќи телевизија.
Телевизорот го заштитиле со стакло, а на Џина и го дале далечинскиот управувач за да ги менува каналите по желба.
После неколку дена, чуварите заклучиле дека не само што шимпанзото научило да го користи далечинскиот управувач туку и дека постојано го одбира каналот за возрасни.
