Дваесет и четири годишно момче од Скопје е осомничено дека во петокот во вечерните часови ја силувал 40 годишната сосетка со скопската населба Ѓорче Петров во нејзината куќа каде била сама. Против него е поднесена кривична пријава.
Како што информираат од полицијата, М.Л. вечерта влегол во нејзината куќа преку отворениот прозорец од кујната, откако видел дека жената не спие. Во кујнта физички ја нападнал, по што ја одвлекол во спалната соба каде грубо физички и психички ја малтретирал нанесувајќи и повреди на главата, по што ја силувал.
Жената успеала да избега во тоалетот, а потоа и на долниот кат од куќата, од каде повикала полиција.
Иако М.Л. побегнал од куќата, набрзо бил фатен и приведен од полициските Алфи.
