Една од најпознатите кинески актерки која е позната како Angelababy стапила во брак со актерот Huang Xiaoming, а за самата церемонија потрошиле неверојатни 43 милиони долари.
Невестата е уште попозната како кинеската Ким Кардашијан според бројот на луѓе кои ја следат на кинескиот Инстаграм – Weibo како и по екстравагантното однесување. Овојпат екстравагантното однесување беше прикажано и низ нејзината вртоглаво скапа венчавка.
Луксузот на нивната венчавка може да се огледа во сите „мали“ детали.
Самата церемонија се одвивала во центарот Shanghai Exhibition – простор со големина од 18.580m2 каде биле сместени нивните 2.000 најблиски пријатели и роднини.
Просторот бил декориран во розови и виолетови нијанси кои го трансформираат во романтична бајка како од филмовите. Меѓу деталите кои биле вклучени во изгледот на просторот се големиот ѕид направен од цветови за фотографирање и масивниот холограм од дворец.
Angelababy служи како модна инспирација за голем број на девојки во Кина, па за својата свадба се одлучила за Dior.
Свадбената торта била на 10 спратови, а само за бурмите потрошиле по 3.000.000 долари.
До крајот на вечерта таа променила уште два фустани.
