Секој кој нема да излезе на избори, а е внесен во избирачкиот список да се казни со глоба од 1.000 евра, предлага лидерот на Партијата за целосна еманципација на Ромите (ПЦЕР), Самка Ибраимовски.
– Ова го предлагаме од причини што ако секој излезе нема да има манипулации со тие што не излегле, и тогаш ќе се добие вистинската слика на гласачи и реалниот победник на избори – вели тој.
ПЦЕР смета дека ако во Македонија се направи една изборна единица дека тоа ќе биде подобро и за помалите политичките партии, кои така ќе имаат можност да ја видат својата сила и да се разјаснат многу работи околу нив, нивниот опстанок и нивното членство.
