Дете на 11 годишна возраст вчера починало од вирусот свински грип А (Х1Н1), соопшти Универзитетската болница во Осло. Момчето прво се лекувало во болницата во Порсгрум, но откако се влошила неговата состојба, пред една недела било префрлено во Осло.
Лекарите велат дека во болниците во Осло има уште два пациенти со симптоми на свински грип. Според локалните медиуми во градот Порсгрум од каде е починатото дете, неколку негови соученици се исто така заболени од свински грип, но имаат полесни симптоми.
