Во пожарот во Чаир повредени и затруени 11 лица. Шестмина од нив се хоспитализирани. На Токсикологија е примен пациент со опекотина. На Клиниката за детски болести две деца се на кислородна поддршка.
Нивната состојба според лекарите е загрижувачка. Едно е девојче едно е машко. Лекарите велат дека се наголтале поголема количина на јаглерод моноксид. На клиниката се примени уште две деца меѓу кои и едно бебе. Но кај нив состојбата не е алармантна, јавува Здравство24.
Децата се на возраст од 4, 6 и девет години а бебето има девет месеци. Како што дознава zdravstvo24.mk, децата примени на Детска клиника се од Турција и во Македонија биле на гости.
На местото на пожарот интервенирале 4 возила на Брза Помош. На лице место биле прегледани 5 станари. Едно лице имало посекотина на ногата а кај останатите е констатиран стрес и труење. Уште еден од станарите со повреда на ногата е пренесен во хируршката клиника Свети Наум Охридски. Според информациите на zdravstvo24.mk, три возила на Брза помош по двапати се вракале за да ги пренесат повредените до скопските клиники.
