Ако се уште не го имате преземено Facebook Messenger, можеби е време да го направите тоа. Наскоро повеќе нема да можете да се допишувате од Фејбук апликацијата.
Фејсбук го потврди овој чекор, а некои корисници веќе добиле известување да го преземат Facebook Messenger.
Засега преминувањето ќе биде задолжителен чекор за корисниците на Ајфон и Андроид телефони, додека Виндоус фон уредите и Ајпад се уште ќе имаат апликација со инкорпорирана опција за допишување.
„Пораките си одат од Фејсбук и преоѓаат на Messenger, затоа отсега ќе бараме од луѓето да ја инсталираат оваа апликација и да почнат да праќаат пораки преку неа“, велат од Фејсбук.
