Холандската актерка Силвија Кристел, позната по улогата во еротскиот филм “Емануела“ почина на шеесет години, како последица од рак на грлото.
Таа подолго време се борела со болестта, а пред неколку месеци доживеала и мозочен удар
Стана позната во целиот свет со својот прв филм “Емануела“ во 1974 година во кои се раскажува за сексуалните авантури на млада девојка. Цели 13 години филмот се прикажувал во кината во Франација, а филмот доживеа неколку продолженија. Последниот е снимен во 1984 години. Силвија е во брак со Хуго Калаус и има еден син.
