Уште од рано утрово голем број граѓани излегоа на протест пред зградата на Собранието, едните против Владата и предложениот Буџет, другите против опозицијата и обидот да го спречат неговото донесување.
Од едната страна се скандира за поддршка на Бранко Црвенковски, додека од другата страна со критика за однесувањето на лидерот на опозицијата.
Силни полициски единици ги раздвојуваат двете групи, кои меѓусебно почнаа да се гаѓаат со јајца и шишиња, но засега нема меѓусебен физички контакт.
Граѓаните кои протестираат против опозицијата се обидоа да запалат знаме на СДСМ, но не им успеа, па го искинаа, пишува Макфакс.
Курир јавува дека над 10.000 луѓе кои ја бранат сопствената држава денес се застанати наспроти едвај 1.000 кои го бранат Бранко Црвенковски. Македонскиот народ не дозволува да биде нечија игра за остварување на политички поени.
Нет прес јавува дека нивна фоторепортерка била нападната. Обидувајќи се да ја долови атмосферата пред законодавниот дом, фоторепортерот на Нетпрес беше вербално нападнат од една од демострантките на опозицијата.
-Жена на околу 50 години и се развикала со кое право слика, а кога фоторепортерот и одговорил дека тоа е негова задача согласно правото на слободно изразување, истата грубо го фатил за шалот. За да избегне поголеми проблеми, фоторепортерот ја собрал опремата и заминал велејќи дека сепак тој е тука за да ги прикаже двете страни и нивната приказна., пишува Нетпрес.
Либертас пак пишува дека бил нападнат скопјанец симпатизер на СДСМ од страна на навивачи.
Инцидентот утрово пред парламентот го направиле припадници на навивачка група кои ги нападнале граѓаните што дошле на повикот на опозицискиот лидер Црвенковски да протестираат за самоволието на власта. Полицијата спречила да не дојде до поголем инцидент, пишува Либертас.
Демонстрантите кои се поделени, а помеѓу нив има полициски кордон си довикуваат и се навредуваат меѓу себе. Фрлаат и со камења и други предмети кон другата страна, а преку полицискиот кордон. Ситуацијата е вжештена.
