Тројца скопјани, во Струмица фингирале сообраќајка, со намера да наплатат штета од осигурување. Но нивниот обид бил спречен од полицијата која, како што соопшти вчера МВР, поднела кривични пријави против Ј.С. (44), С.Б. (30) и Д.М. (25), сите од Скопје, под сомнение дека го сториле кривичното дело лажно пријавување на кривично дело.
Осомничените се договориле Ј.С. со автобус од Скопје да замине во Струмица, а С.Б. и Д.М. да тргнат со автомобил и да го следат автобусот во кој бил тој , па кога ќе пристигнат во Струмица, тој да налета на нивниот автомобил. Како што се договориле, кога автобусот пристигнал во Струмица и сопрел пред пред пешачкиот премин , Ј.С. излегол од него и истрчал пред нивното возило, по што паднал на асфалтот.
Тој веднаш почнал да се жали на болки во раката и бил пренесен во Струмичкиот здравствен дом каде што била констатирана повреда со која се здобил претходно, а не од сообраќајната незгода. Бил извршен и увид, тројцата скопјани биле повикани на разговор во струмичката полиција и бил спречен нивниот план.
Вест.мк
