Руската компанија Гаспром одлучи од април да и укине на Украина попуст на ценат на гасот, изјави во вторникот извршниот директор на Гаспром, Алексеј Милер, по состанокот со рускиот премиер Дмитриј Медведев.
„Во овие услови, кога Украина не ги почитува своите обврски, ниту договори кои се постигнати со потпишувањето на амандманите на договор за намалување на цената на рускиот гас, Гаспром одлучи од почетокот на наредниот месец повеќе да не го применува попустот“, изјави Милер, а пренесе Итар-тас.
„Одлуката на Гаспром на Украина да и го укине попустот е целосно законска“, заклучи рускиот премиер Медведев.
