20 американски доктори ќе едуцираат македонски кардиолози, невролози, онколози, гинеколози, педијатри и офталмолози. Тие од идната година ќе работат заедно со нашите лекари, ќе прегледуваат пациенти и оперираат низ македонските болници.
Министерството за здравство покрива дел од трошоците за едукација, а остатокот донација од „Линка Крос“ и од докторите.
„Договорено е како Министерство да надоместуваме 400 евра неделно, односно 800 евра за престој. Најкраткиот престој на докторите ќе биде минимум две недели. Дел од нив ќе останат и три месеци во Македонија“, истакна Тодоров.
Ова е предвидено со Меморандумот кој вчера го потпишаа министерот за здравство Никола Тодоров, претседателот на Лекарската комора на Македонија, Кочо Чакаларовски и директорот на американската непрофитна организација „Линка Крос“, Клеј Батмаер, преку која ќе се овозможи присуството на американските доктори.
