АРМ го објави новиот конкурс за пилоти


Министерството за одбрана на Република Македонија во петок го објави новиот Конкурс за пилоти во Армијата на Република Македонија.

„Ги повикуваме сите млади лица кои ги исполнуваат условите да се пријават за оваа уникатна можност да бидат пилоти во АРМ“, се вели во соопштението од Министерството за одбрана.pilot

Селекцијата на кандидати за пилоти се состои од низа на тестирања и проверки кои кандидатите треба да ги поминат пред  да отпочнат со летачките активности. Проверката на здравствената и физичката подготвеност се први, потоа следуваат компјутерските тестирања и вежби, специјално прилагодени за професијата пилот, за на крај способноста на кандидатот да се потврди во 10 летови на авионот ZLIN-242L. Кандидатите кои успешно ќе ги завршат сите селективни тестови се здобиваат со статус на кадети и отпочнуваат со школувањето за воен пилот.

Центарот за обука на пилоти е еден од најсофистицираните центри од овој тип во светски рамки. Центарот поседува два full-motion симулатори на хеликоптерите Ми-8/17 и Ми-24, единствени од овој тип во поширокиот регион.

Заинтересираните кандидати можат да се запознаат со Конкурсот на интернет страницата на Министерството, www.morm.gov.mk и на Воената академија, www.ma.edu.mk.

Share Button
MK News

Автор инфо

No comments yet.

Остави коментар

UA-33057274-1