Австрискиот канцелар Себастијан Курц денеска најави дека во рамки на капањата за борба против „политичкиот Ислам“, Австрија ќе затвори седум џамии и ќе протера неколумина имам, кои биле „финансирани од странство“.
Одлуката е донесена по спроведената истрага покрената откако во јавноста се појавија фотографии од една џамија во Австија, на која се прикажани момчиња облечени во воени униформи, кои поздравуваат во војнички стил и носат турски знамиња.
Фотографиите биле направени на одбележувањето на годишнината од битката кај Галиполе во Првата светска војона, во која отоманската војска ги поразила сојузничките сили.
Курц, кој важи за жесток критичар на т.н. политички Ислам, предложи и закон за заштита на децата, со кој се збранува девојчиња да носат хиџаб во предучилишните установи и основите училишта.
Според Курц, целата на законот е да се спречи „децата да се соочуваат со дискриминација на таа возраст“.
Од друга страна, Австрија има резерви и кон напорите на Турција за членство во ЕУ, оценивајќи дека во земјата се врши „системско кршење на човековите права и на темелните демократски вредности“.
Таквиот австриски став предизвика тензии во однсите меѓу Виена и Анкара, кои дополнително се зголемија со формирањето на новата владина коалиција во Австрија меѓу конзервативната Австриска народна партија (ОВП) на Курц и екстремно десничарската и антимигрантска Партија на слободата на Австрија (ФПО).
Во Австрија живеат околу 100.000 Турци.
