Нимет ал Батад е 21годишна мајка на 11 деца од Газа. Ја омажиле на 14 години и прво родила четири девојиња, но сакајќи машко дете кое би го продолжило семејното презиме останала бремена и по петти пат.
Тогаш родила близнаци, од кои едното било машко. „По шест деца, отидов да ме стерилизираат, но и по тоа останав бремена. Бев во шок кога лекарите ми рекоа дека сум бремена, а поради тоа што бебињата имале повеќе од три месеци, лекарите не сакаа да ги абортираат”, објаснува младата мајка.
Таа се жали затоа што со буџет од 200 долари месечно не може да прехранува 11 деца. „Докторите не сакаа да ги аброртираат децата со објаснување дека секое од нив има своја судбина и ми порачаа да верувам во Бог. Но, моите деца пијат адаптирано млеко. Една кутија од него чини 13 долари, а мојот маж заработува само 200 долари“ изјавила Батад.
