Накит што во себе содржи мајчино млеко е вистински хит во САД, а може да се порача преку Интернет
Ова необично парче накит може да се купи преку Интернет страницата Etsy.com, а се прави така што примероци од млекото се пластифицираат во различни облици кои потоа се вклопуваат во привезоци или алка.
Алиша Могаверо, авторка на оваа идеја, на купувачите им советува да испратат две лажички млеко во добро затворена кесичка за да таа може да го сочува до моментот додека не стане дел од накит. Таа изјави дека „едвај стигнува“ да ги направи сите порачки и дека побарувачката за овие уникатни предмети е едноставно неверојатна.
Клиентите и велат дека накитот е прекрасен и оти ги потсетува на „посебно време“ во нивните животи, како и оти е одличен начин да се „оддаде почит на посебната врска која мајката ја има со детето“. Ако се одлучите на купување, тоа ќе ве чини меѓу 64 и 125 долари, зависно од тоа кој облик и големина ве привлекува.
