Чудо во Прилеп – Мироточи иконата на СВ.Никодим Тисмански (Прилепски)


На големиот христијански празник Благовестието на Пресветата Богородица, во храмот „Св. Благовештение“ во Прилеп, митрополитот Преспанско-Пелагониски г. Петар, го објави чудото кое се случило со иконата на св. Никодим Прилепски, пишува на Интернет страната на Македонска Православна Црква – Охридска Архепископија – Преспанско Пелагониска Епархија.prilep10-472x630

 

Иконата на Свети Никодим Прилепски и Тимански почна да мироточи. Станува збор за икона која е копија на иконата зографисана во Зрзевската иконописна школа, од страна на монахот Тихон. Копијата е изработена од страна на чтец Стеванче Тодороки, прислужител во храмот св. Благовештение. Мироточењето е забележано на 30.03.2015, а на Цветници почна да благоуха – се работи за неколку капки, кои во почетокот беа мали, но со текот на времето се зголемуваа сè повеќе и повеќе.prilep-222222.jpg-500

 

Ова е прва икона на преподобниот Никодим Прилепски и Тисмански, која мироточи во градот Прилеп. Благата вест за мироточењето на иконата, пред верниците, беше објавено на храмовата слава од страна на Неговото Високопреосвештенство митрополитот Преспанско – Пелагониски г. Петар. Со светата Божествена Литургија чиноначалствуваше митрополитоп г. Петар, во сослужение на митрополитот Тетовско – Гостиварски г. Јосиф, митрополитот Кумановско – Осоговски г. Јосиф и епископот Хераклејски г. Климент. Веднаш после литургијата иконата беше поставена во средината на храмот, пред која се поклонија најнапред свештенослужителите, а потоа и многубојниот народ.

Share Button

Tags:

MK News

Автор инфо

No comments yet.

Остави коментар

UA-33057274-1