Јас да сум склучил договор со некој со кој имам конфликт на интерес, да сум дал тендер на некој кој е директно поврзан со мене, како брат, братучед, татко, јас без размислување дента ќе си поднесев оставка. Ова го истакнува министерот за здравство во изјава за Канал 5 телевизија, пренесува Курир.
-Распишавме меѓународен тендер на кој имаат учествувано голем број на компании, од Македонија и странство. На јавната аукција учествуваа две компании. На едната од нив управител е извесен Марко Петровиќ, а тоа е компанија со еден сопственик.Така е поднесена понудата, така е организирана електронската аукција и така е склучен договорот. Со компанија каде основач и директор е едно лице. Промената е направена после 6 месеци. Тогаш во сопственичката структура е влезена друга личност, тоа е она што јас го карактеризирав како неетички, истакна министерот.
Нема никаков судир на интереси, вели Тодоров, а за своите постапки секој треба да си одговара.
-Секој одговара за сопствените постапки, јас одговарам за своите. Тоа е дека сум склучил договор во една законска процедура , со фирма која има еден сопственик и основач со кој што немам апсолутно никаква врска. Во законот за јавни набавки е превидено дека пред склучување на договорот и отпочнување на постапката се дава изјава за судир на интереси. Ниту некој од комисијата, ниту јас имаме некаков судир на интерес со компанијата која учествувала на тендерот и со која имаме склучено договор, рече министерот.
Целата изјава на Никола Тодоров, во вестите на Канал 5, погледнете ја во видеото во продолжение…