Џихадистите верни на Исламската држава, нападнаа патролен брод на Медитеранот, во Египет, кој набрзо пламна.
Египетската војска соопшти дека бродот на крајбрежната стража учествувал во размена на оган со милитантите околу четири километри од брегот северно од Синај, територија која граничи со Израел и појасот Газа, пишува Дејли Меил.
За среќа , на нападнатиот брод не загинал никој, изјавил портпаролот на египетската војска Мохамед Самир. Неофицијално се дознава дека неколку лица, сепак се здобиле со полесни повреди.
Сведок изјавил дека патролниот брод ја забележал групата на џихадисти и дека членови на екипажот со нив влегле во судир. После некое време, службен брод го погодила ракета после што буквално пламнал.
