Нуркачи од Единицата за специјални задачи „Тигар“, завчера ги пронајдоа возилото „форд фиеста“ и телото на Дарко Стоиловски (41) во водите на езерото Kалиманци, еден ден откако неговата сопруга Тања (31) беше пронајдена удавена во близина на местото викано Рибнички мост крај Македонска Kаменица.
Она што укажува на тоа дека можеби возилото намерно паднало во езерото е фактот дека на местото никаде немало видливи траги од несреќа, траги од кочење или слично. дали Дарко намерно слетал со „фордот“ во езерото, а сопругата безуспешно се обидувала да се спаси?.
Она што е симптоматично во целиот случај е информацијата дека мајката на Тања ја чула ќерка си како вреска по телефон, па одлучила да се јави во полиција стравувајќи дека нешто трагично се случило со нејзината ќерка. Претпоставка е дека ова се случило во мигот на трагедијата.
