Времето претпладне во Македонија ќе биде сончево со умерена облачност, а попладне нестабилно со локален пороен дожд и грмежи. Во југоисточните делови ќе има поизразена нестабилност со обилен пороен дожд каде се очекува да наврнат над 20 литри дожд на метар квадратен.
Утринската температура ќе се движи од 14 до 21, а дневната од 23 до 30 степени.
Во Скопје слично време, претпладне сончево со мала до умерена облачност, а попладне со умерена нестабилна облачност со краткотраен дожд. Утринската температура ќе се спушти до 18, а дневната ќе се искачи до 28 степени.
Во сабота ќе има повремени врнежи од дожд, а во недела следува период на стабилно и суво време.
