Домашен омекнувач за алишта


Брз и лесен начин, како до евтин омекнувач за алишта за кој сте стопроцентно сигурни дека е природен, без скриени хемикалии кои не ги сакаме во нашиот дом.

Omeknuvac-012-16e1a5-800x600Состојки

  • 100 гр сода бикарбона
  • 600 мл алкохолен оцет 9%
  • 700 мл дестилирана вода
  • мах. 15 капки етерично масло (лаванда,роза,минт…)
  • сад (или шише) од 2 литра

Подготовка

Смесата може да ја направите директно во некое преостанато шише од омекнувач, кое е минимум од 2 литра.

1. Најпрво ставете ја содата во шишето со само 100 мл дестилирана вода. Не мешајте ништо, туку постепено додавајте го оцетот.

Јас користев 9 % оцет, но во рецептот на кој наидов немаше нагласено точно, па претпоставувам дека може и со 4% и со 6%. Значи што имате по дома. Тестирајте и направете разлика сами!

2. По ставањето на оцетот, смесата ќе почне да врие и се остава така неколку минути, дури да престане.
3. Откако ќе престане, дотурете го остатокот (600 мл.) од дестилираната вода, затворете го шишете и измешајте енергично.
4. На крај се додаваат капките етерично масло и повторно се меша.

Вашиот омекнувач е спремен за акција!!!

Не очекувајте дека ќе добиете омекнувач идентичен со оној од продавница.
Најважно од се е тоа што продуктот кој го добивате е евтин,природен и со задоволителен ефект!

За перење на бели и шарени алишта ја полнам кадичката предвидена за омекнувач, додека ако имам повеќе алишта од фротир, како крпи, пижами или да речеме ќебиња, нешто што треба да е навистина меко ставам дупла доза.

Прочитај повеќе: moirecepti.mk
Share Button
MK News

Автор инфо

No comments yet.

Остави коментар

UA-33057274-1