Албанец во авионите на „Изи џет“ вечерва го принудил пилотот на линијата Женева–Приштина да го слета авионот итно во Рим, откако физички ја нашаднал стјуардеса.
Како што пренесува „Дејли меил“, патникот бил незадоволен бидејќи предолго го чекал својот сендвич. Тој физички ја нападнал стујардесата удирајќи ја со тупаници во пределот на лицето.
Останатите патници кои се превезувале во авионот станале за да го спречат, но иако успеале да го оттргнат, пилотот, согласно процедурите веднаш го спуштил авионот во Рим.
Компанијата испратила друго летало, а стјуардесата била префрлена во болница.
Случајот го потврдуваат и „Изи џет“ и аеродромот во Приштина. Од авионската комапнија велат дека стјуардесата имала повреди на лицето и и биле скршени очилата.
Насилниот патник бил приведен од локалната полиција во Рим и по сослушувањето пуштен на слобода. Сите 180 патници безбедно слетале во Приштина со друг авион, со неколку часа доцнење.
