Мексиканскиот наркобос Хоакин „Ел Чапо“ Гузман е подготвен да се изјасни за виновен по сите обвинувања против него во Соединетите Американски Држави, но за возврат има невообичаено барање- не сака да биде сместен во затвор со најголемо ниво на безбедност.
Неговиот адвокат Хозе Рефуго Родригез кажал дека Ел Чапо прифатил да го испорачаат во САД и да ги признае сите обвиненија под услов да биде сместен во „поповолни услови“.
Гузман бара да му се вети дека ќе биде сместен во затвор во кој ќе има контакт со други затвореници и каде што ќе гледа сонце повеќе од еден час во денот.
-Ел Чапо нема да „биде на колена“ за време на расправијата со американските тужители бидејќи има „многубројни правни средства со кои може да се бори против испорачувањето“, изјавил Родригез и додал: Американската влада ќе види дека ќе имаме можност да победиме во процесот за испорачување од Мексико.
