Скопската општина Чаир ги отпочна работите за изградба на втората фаза од плоштадот „Скендербег“, со која е предвидено да се премости булеварот Гоце Делчев.
Плоштадот ќе се простира од стоковната куќа „Мост до улицата Стив Наумов, како и од стоковната куќа „Илинден“ до Македонската опера и балет. Проектот предвидува плоштадот над булеварот да ја има потребната висина за слободно да поминуваат автобуси и камиони под него. Одозгора на плоштадот, ќе има фонтана, урбана опрема, настрешници, инсталации и клупи.
