Европската централна банка (ЕЦБ) привремено ја спаси Грција од банкрот со тоа што и дозволи дополнителни, итни кредити на грчката Централна банка, пренесува германскиот весник “Ди Велт”.
Советот на гувернерите на ЕЦБ ја донел оваа одлука на состанокот во четвртокот, а оваа одлука, ќе и овозможи на официјална овозможи на Атина да обезбеди финансиски опстанок до септември, пишува весникот.
Благодарение на овој чекор грчката влада ќе добие 4 милијарди евра дополнителни пари, и е во очекување, тројката кредитори – Меѓународниот монетарен фонд (ММФ), Европската централна банка (ЕЦБ) и Европската унија (ЕУ), да одлучат дали ќе и обезбедат на Грција нова транша од помошта во септември, во висина од 31,3 милијарди евра.
Досега Грчката централна банка можеше да прима државни обврзници само до 3 милијарди евра, но ЕЦБ одлучи да и го исполни барањето и да ја зголеми оваа сума на 7 милијарди евра, објаснува “Ди Велт”.
