Дванаесет годишно момче од Авганистан вчера попладне било повредено на железничката станица во Гевгелија.
Foto – Kurir.mk
Од полицијата денес информираа дека на место каде има празни вагони во резерва, момчето било повредено од струен удар. Истото најверојатно се качило на еден од товарните вагони.
Од страна на Црвен Крст лицето веднаш е однесено во ЈЗУ Општа Болница –Гевгелија за укажување на лекарска помош. Детето било во придружба на своите родители и по нивна изјава истите не приметиле како дошло до електричниот удар.
