Уште една трагедија ја потресе Србија. Сопруг и сопруга, Александар и Марија Павловиќ, двајцата по 31 година, пронајдени беа мртви вчера во селото Радобиќ, во близина на Белград.
Безживотните тела на сопружниците биле пронајдени во атерот на селото Радобиќ во близина на гробиштата. Марија ја пронашле во автомобилот со јасни траги на давење околу вратот, а инспекторите телото на Александар го пронашле обесено на дрво 50 метри од автомобилот.
Двојката Павловиќ сопствениот дом го напуштила во саботата претпладне, а претходно Марија се јавила на својата сестра на која и се пожалила дека Александар и се заканува дека ќе ја убие. Веќе во саботата попладне пријавено било нивното исчезнување и започнала потрагата.
– Двајцата беа драги луѓе, но не се согласуваа. Проблемот беше во тоа што Александар имаше љубовница во соседството, а Марија очигледно знаела за тоа. Тој растеше без татко, мајка му сама го порасна. Не ми се верува дека проблемите не можеле да ги решат барем со развод, вели блзиок пријател на несреќните сопружници.
