Македонскиот претставник на Евровизија, Даниел Кајмакоски ги објави победниците од повикот – Заврши ја приказната – од официјалното видео за евровизиската песна “Autumn Leaves”.
-Пред сè сакам да се заблагодарам на сите кои учествуваа во овој повик и се вложија. Беше многу тешко да се одбере, кога пред себе гледаш толку добри идеи. Крајот на мојата приказна е следен: Секој крај е нов почеток! Секој крај води до нешто ново. Тоа се случи во мојот живот – кога најмалку очекував добив нов почеток со неизмерна поддршка и љубов од луѓето! Љубовта гради мостови !, вели Кајмакоски.
Победниците се:
Neira Music (Босна)
M.Can Tekin (Шведска)
Vane Suckoski (Македонија)
Секој од тројцата победници ќе добие две карти за првата полуфинална вечер на 19-ти мај, во Виена, Евровизија 2015. Наградата вклучува сместување и патни трошоци за периодот 19-21 мај, 2015. Победниците ќе се дружат со Даниел на 20-ти мај, по првата полуфинална вечер.
Пратете ги сите новости поврзани со Даниел и Евровизија преку официјалната веб страна за наменета само за евровизиски вести: http://eurovision.danielkajmakoski.mk/
