Кети Тејлор од Јута морала да го роди својот син Лук во 26-та недела од бременоста, бидејќи и дијагностицирале рак на кожата.
Оваа мајка на пет деца, го очекувала шестото дете кога добила ужасни вести – рак на кожата кој бара агресивен третман. За да го спаси своето неродено бебе, Кети одбила третман додека не го роди синот.
Лук се родил во 26 недела од бременоста и неговото здравје било во сериозна опасност. Две недели подоцна, бебето починало на одделението за интензивна нега. Здравјето на Кети полека се подобрувало, па таа била пуштена на домашно лекување.
Но на последниот ден од годината, 31 декември 2014 година, Кети починала.
Зад себе ги оставила своите пет деца и сопругот, кои велат дека вечно ќе ја паметат нејзината несебичност и пожртвуваност.
