При посетата на Костајник српскиот министер за вонредни ситуации Велимир Илиќ вчера падна во жива кал.
Со намера да го разгледа рудникот Столице, прв тргнал по патот кон долната брана, која пукнала уште пролетта, и по неколку чекори се нашол во голема неволја.
Отпрвин се обидел сам да се извлече, а потоа почнал да тоне се повеќе. Во тие драматични моменти му помогнало обезбедувањето и жителите, па успешно го извлекле. Чизмите на министерот останаа во калта, а за малку ќе се одеше и бос, без чорапи.
-Колку што мрдав повеќе, повеќе тонев. Да не беа тие луѓе, кој знае што ќе се случеше – рече за српски Курир министерот Илиќ.
