Четири лица се повредени во тешка сообраќајна несреќа во која учествувале три возила, а се случила утринава на регионалниот пат Куманово-Липково.
Според информациите од полицијата во несреќата учествувале, БМВ, Опел Астра и комбе Фолксваген сите со кумановски регистерски таблички.
Foto – Brif.mk
Со тешки повреди се здобил возачот на БМВ-то, 32-годишниот Б.Ф., додека полесно повреден е неговиот сопатник Б.А. (46). Астрата ја управувал 26-годишниот С.Ц., а комбето 33-годишниот Н.П. кој не се пожалил на повреди, додека неговиот сопатник Б.Т. (38) се здобил со полесни повреди.
Повредените се пренесени во Здравствениот дом во Куманово, а полицијата извршила увид на местото на несреќата.
