Еден од лидерите на ИСИС изјавил дека оваа исламска организација стои зад нападот на сатиричниот весник „Шарли Ебдо“ во Париз во кој загинаа 12 лица, пренесува DPA.
Тој навел и кои се следните држави во кои ќе се пролее крв.
-Започнавме операција во Франција за која преземаме одговорност. Утре тоа ќе биде Британија, Америка и други земји, рекол Абу Сад Ал-Ансари за време на молитвата во ирачкиот град Мосул.
Тој додал и дека тоа е порака до сите држави.
– Ова е порака до сите земји кои учествуваат во коалицијата која убива припадници на Исламската држава, нагласил Ал-Ансари.
