Во голема тајност и во кругот на најблиските поп-пејачката Гоца Тржан по вторпат го изговори судбоносното „ДА“, но првпат на нејзиниот нов сопруг, младиот тапанар Раша Новаковиќ, со кого Тржан неколку години беше во врска. Таа и нејзиниот сега веќе тазе сопруг, напладне излегоа од нејзиниот стан и се упатија кон ресторанот каде што во 18 часот го склучија граѓанскиот брак.
На чинот на венчавката, како и на свадбената веселба присуствувале околу 200 гости. Гоца рекла дека последните денови активно учествувала во деталите поврзани со декорацијата, а дека нејзината работа не трпела поради тоа. Тие двајца ги извршиле последните подготовки пред свечената церемонија.
Гоца Тржан во 2007 година се омажила во црква за поранешниот сопруг Иван Маринковиќ.
