Организацијата за заштита на околината „Гринпис“ фрли 5 тони јаглен пред Елисејската палата и тоа неколку часа пред заедничката седница на француската и германската влада, барајќи до 2030 година во Европа да се овозможи удел од 45 проценти на обновливата енергија. Камионот носел и два контејнери со 2000 литри загадена вода која не претставувала непосредна опасност. Оваа организација бара енергетска транзиција за помалку јаглен во Германија и помала нуклеарна енергија во Франција.
