Германка беше осудена денеска на 14 години затвор поради убиство на четири свои бебиња, кои ги задушувала веднаш по раѓањето, јави ДПА.
Осум тела на новороденчиња беа пронајдени минатата година во домот на 45-годишната Андреа Гопнер во Валенфелс во покраината Баварија, но три од нив биле толку многу распаднати, што не било можно да се одреди причината за нивната смрт. Последното бебе било родено мртво. Поради тоа Гопнер е осудена само за четири убиства.
Обвинителството бараше доживотен затвор за мајката во судскиот процес, кој се одржа во градот Кобург.
Таткото на четирите убиени бебиња бил ослободен, поради недостиг на докази.
