Грција ги поскапува патарините: На Евзони наместо 1,8 ќе се плаќаат 3 евра


Од 1 јануари патарините во Грција ќе поскапат драстично, некаде и до 150 отсто по километар, известува грчкиот весник „И Ефимерида“. Ќе поскапи и најкористената патарина од Македонците – онаа по граничниот премин „Богородица – Евзони“, на која наместо досегашните 1,8 евра, ќе се плаќа по 3 евра за автомобил.

Дополнително, покрај сега познатите патарини, ќе се воведат уште 43 излезни наплатни рампи.

На излезот кај Аспровалта ќе се плаќаат 1,42 евра, а излезот за Кавала ќе се плаќаат 2,36 евра.

На наплатната рампа Тириа, меѓу Игуменица и Јанина, наместо досегашните 2,10 евра, отсега ќе се плаќаат 3,42 евра.

На вертикалните исклучоци кај Јеропиги ќе се плаќаат 2,36 евра, а на наплатната рампа што најмногу ги засега Македонците, онаа близу „Евзони“ патарината од досегашните 1,8 евра е зголемена на 3 евра.

На наплатната рампа Промахона патарината е непроменета – 2,4 евра.

Share Button
MK News

Автор инфо

No comments yet.

Остави коментар

UA-33057274-1