Едно лице загина, а друго е повредено во експлозија на аеродромот „Сабина Ѓокчен“ во Истанбул во раните утрински часови, јавија турски медиуми. Починатата е хигиеничарката на аеродромот.
Експлозијата одекнала околу 2 часот по полноќ во делот каде биле паркирани авионите и тогаш биле повредени две лица од персоналот задолжен за чистење на авионите.
Засега не се познати причините за експлозијата, по што полицијата ги зајакна безбедносните мерки на влезот во аеродромот.
Полицијата ги разгледува сите можни верзии, вклучувајќи и терористички напад. Во Турција се чести напади од курдски милитанти, левичари или милитанти на „Исламската Држава“
Едно од двете лица кои беа ранети им подлегна на повредите. Станува збор за 30-годишна жена која чистела паркиран авион.
Авиосообраќајот не е загрозен, но полицијата ги зголеми мерките за безбедност на влезот во аеродромот.
